御品千の味刺身壽司專門店 (海寶花園) (已結業)

千之味刺身壽司專門店應該無乜邊個香港人唔識，係一大班朋友聚會時必點嘅壽司外賣到會店，出咗名價廉物美，大件夾抵食。早排瘦編都知道分店已經開到去大埔，瘦編今次終於路過，買埋外賣回家慢慢歎啦！-瘦編總共買咗三個飯，第一個三文魚粒粒海膽丼，真係要讚吓，啲海膽好鮮甜，完全無腥味！早排瘦編去過另外一間好貴日本料理店，反而啲海膽又腥又苦。千之味除咗價錢合理之外，食材都好新鮮好高質！三文魚肉質細嫩鮮美，正！-第二個係鰻魚飯，鰻魚淋上醬汁，醬汁杰稠，鮮甜入味，甜度剛好，拌飯一流。 鰻魚沒有碎骨，軟身入味。第三個係生薑汁豚肉飯，帶有甜甜嘅洋蔥味和薑味，十分開胃。飯盒更採用飯餸分隔式設計，保留粒粒飯香味。另外再加個小食就完美！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 御品千の味刺身壽司專門店 (海寶花園) (大埔)📍 大埔安慈路1號海寶花園地下15號舖