鍾美食 (已結業)

朋友話呢度Ｄ厚多士好好味，所以上openrice 搵下呢間野食，原來個location 都近我平時會去開果度。所以今日tea time特登過左黎呢度搵呢間 Johnny Cafe..佢個名叫Johnny "cafe", 加上佢有得食sandwich/bread 之類咁西式０既野，又有多款咖啡飲，我以為個格局真係會好"cafe"咁，但一入到去，原來都係茶餐廳格局黎，但都好，有好多卡位，坐得唔會太辛苦。講返Ｄ野食先，呢度Ｄ野食話中西又唔西式得哂，話中又唔中式得哂喎！佢除左有較"西式“０既意大利三文治，鵝肝多士，西式麵包，熱狗，意粉外，仲又各款中式粉麵同飯， 如：公仔麵，撈麵，牛腩粉麵，咖喱飯等.....數之不盡。我叫左個珍寶熱狗＋是日咖啡，今日係「蘇門答懇咖啡Samutra」，即係我都唔知係咩。飲落去一般啦，冇想像中咁好飲，下次試下其他咖啡先！（等左大概１０分鐘，個熱狗先黎，果然叫自己係“cafe" , 唔係"茶餐廳"！ ）嘩！個熱狗果然係“珍寶“！好大個！夠哂飽！都不錯！！！不過我見倒隔離叫０果個厚多士個樣超正，似乎仲好味，先開始後悔點解唔一早聽朋友介紹食０果味就叫果味黎食！唔得，我過