米線樂•麻辣豬骨濃湯 (已結業)

見到呢間米線舖裝修幾靚又冇乜人，於是就試吓。嗌左碗粉皮、小食同飲品，樣樣都有驚喜。麻辣涼拌粉皮，佢嘅皮整得好爽口好滑！而辣度我嘅左小辣啱啱好，麻香好出，辣得有層次，撈埋黃金豆一齊食好正。至於配料我揀左豬紅同豬大腸，2款餸都勁厚身勁大件，可以大大啖咁食。麻辣墨魚頭，係menu見到就即刻嗌，份量都幾多，墨魚頭爽到似脆口，非常正。冷泡蜜桃烏龍茶，平時去食米線都係預佢得檸茶汽水個啲，而呢度竟然係真係有cafe級嘅冷泡茶，或者成壺熱花茶你揀！我呢款茶味好清香，飲落非常清甜解辣，好驚喜。