影片
更多
2008-03-02
11 瀏覽
行到去勝香園先發覺佢無開檔, 蕩0下蕩0下見到呢間新開的burger 店, 又0黎試試. 叫了個Cheese Classico set, 有cheese burger 一個, chips 一堆及Coke zero 一支(散叫Cheese Classico $58; set $79).Cheese burger 用支牙簽拮住, 份量好巨好吸引, 不過serve 時係聞到幾勁的(火農)味, 即時擔心起來... 掀起塊包, 發覺塊beef patty 係grill (火農)了, 黑色一撻撻咁, 食落當然亦成陣(火農)味, 認真掃興. 撇除陣(火農)味, patty 食落亦比較乾, 肉味一般又無乜肉汁, 都幾吹脹; 芝士半溶, 但原來食落無乜味, 更加吹脹; 好在芝麻包烘得幾鬆脆, 生菜/ 洋蔥/ 蕃茄份量足夠亦清新夠味.薯條屬粗身, 都幾脆, 薯味濃郁, 幾0岩口味; 另外可以自助落Heinz 牌mustard 及ketchup, 都唔錯.環境唔錯, 好坐又坐得舒服; 呢度係「餐廳」模式, 先坐低後店員會行埋0黎落order, 而唔係快餐店的「一手交錢一手收貨」運作, 落單女店員亦有禮貌
Cheese burger 用支牙簽拮住, 份量好巨好吸引, 不過serve 時係聞到幾勁的(火農)味, 即時擔心起來... 掀起塊包, 發覺塊beef patty 係grill (火農)了, 黑色一撻撻咁, 食落當然亦成陣(火農)味, 認真掃興. 撇除陣(火農)味, patty 食落亦比較乾, 肉味一般又無乜肉汁, 都幾吹脹; 芝士半溶, 但原來食落無乜味, 更加吹脹; 好在芝麻包烘得幾鬆脆, 生菜/ 洋蔥/ 蕃茄份量足夠亦清新夠味.
薯條屬粗身, 都幾脆, 薯味濃郁, 幾0岩口味; 另外可以自助落Heinz 牌mustard 及ketchup, 都唔錯.
環境唔錯, 好坐又坐得舒服; 呢度係「餐廳」模式, 先坐低後店員會行埋0黎落order, 而唔係快餐店的「一手交錢一手收貨」運作, 落單女店員亦有禮貌, service ok.
埋單$79, 但因為塊patty (火農)了, 實在唔得, 我亦覺得唔抵食. 不過算啦, 叫做試過0下, 下次都係落去食Triple O's 或Shake 'Em Buns 算了.
忽然好掛住之前上環間Burger Joint, 做乜你要執笠?
張貼
