Burgerism (黃埔新村) (已結業)

朋友在海濱廣場返工，黃埔再入，有啲隔涉，因為我收工收得早，所以通常約食晚飯都係我就佢去紅磡，由於之前幾次都去黃埔美食坊，所以今次想食第二啲，結果就揀咗呢一間餐廳。呢間餐廳打正旗號食漢堡包，所以梗係啦要試吓佢嘅漢堡包啦，另外店長推介我哋試吓個黑松露Carbonara，於是就試吓啦，我哋仲叫咗兩杯生啤添，店長叫我哋試麥啤生啤，德國嘅，味道唔算重，幾好飲。個意粉比起出面食到嘅Carbonara比較乾身，相對無咁漏，唔怕食完已經好滯食唔到其他嘢，而且個黑松露味唔太濃，因為我有少少怕倒瀉電油的氣味，所以呢個意粉幾好食。至於個主角，我們點了Classic漢堡包，舊牛肉就5成熟，出到黎好juicy好味，無打爛自己招牌，而且個漢堡可以加$28就有個薯條side dish兼有杯野飲，都算抵，不過因為我哋飲啤酒，唔想嘥咗杯飲品，所以無加到，下次黎一定會識叫。