影片
更多
2018-06-11
3852 瀏覽
因為有親戚係悅來酒店既會員，所以今次有親友生日，親戚就同我地嚟食Lunch Buffet。之前嚟都係食佢既Dinner Buffet，Lunch都係第一次嚟食，平時好多酒店都會有分午餐同晚餐既Buffet Menu會有唔同，但呢間既話其實就都係一樣，所以係Lunch Buffet嚟講都算幾多選擇。沙律吧，都有煙三文魚，鴨胸肉等等，煙三文魚都幾好食。海鮮冷盤都有鮮蝦、翡翠螺同青口，我自己就剩係食咗翡翠螺，都唔錯，幾有肉。壽司吧有少許壽司，刺身就有基本既三文魚、吞拿魚等等，唔係話特別新鮮，但係都唔錯既。熟食區都有十款左右熟食，雞魚肉菜等等都有，不過唔係話太啱自己口味就無點拎。最啱食就係條青蒸班，魚肉好肥美又新鮮。自選粉麵區，餸菜唔太多選擇，而湯底就有叻沙同清湯底。飲品都有咖啡、茶同另一邊有汽水。甜品都唔錯，有分中西式甜品選擇，中式糖水、榚點等等都有，而西式都有啲蛋榚、布甸等等選擇。最抵食就係有呢個Movenpick雪榚，$200幾蚊既buffet有得任食Movenpick雪榚都算係咁喇！
沙律吧，都有煙三文魚，鴨胸肉等等，煙三文魚都幾好食。
海鮮冷盤都有鮮蝦、翡翠螺同青口，我自己就剩係食咗翡翠螺，都唔錯，幾有肉。
壽司吧有少許壽司，刺身就有基本既三文魚、吞拿魚等等，唔係話特別新鮮，但係都唔錯既。
熟食區都有十款左右熟食，雞魚肉菜等等都有，不過唔係話太啱自己口味就無點拎。
最啱食就係條青蒸班，魚肉好肥美又新鮮。
自選粉麵區，餸菜唔太多選擇，而湯底就有叻沙同清湯底。
飲品都有咖啡、茶同另一邊有汽水。
甜品都唔錯，有分中西式甜品選擇，中式糖水、榚點等等都有，而西式都有啲蛋榚、布甸等等選擇。
最抵食就係有呢個Movenpick雪榚，$200幾蚊既buffet有得任食Movenpick雪榚都算係咁喇！
張貼
