Bella Vita (已結業)

經朋友介紹下一共三人去左Bella Vita食個休閒既Brunch. 好多時出面有任食既地方可能因為要大量生產, 食物質素難保持水準, 不過呢到既海鮮任食有波士頓龍蝦, 藍青口, 蜆, 煙三文魚都鮮甜, 仲有紅白酒同sparkling任飲, 餐廳所揀既酒同海鮮配搭起黎真係可以食唔停...不過為左留肚食其他頭盤同主菜, 唯有忍口, 如果唔係淨係食海鮮都可以食得好飽, 而收費只係成人 $468 ,小童 $368位, 物有所值!

除左任食海鮮之外, 其實仲有好多前菜可以自行去refill

海鮮以外既小食同沙律

揀左自己中意既頭盤, 重點當然係龍蝦, 爽甜之餘, 蝦膏都濃郁香滑, 其實仲有虎蝦無食到! 不過之既既頭盤Grilled Seafood Platter 都有燒虎蝦, 墨魚, 吞拿魚, 沙甸.

個人中意比較重羊肉酥味既羊架, 不過味道已經唔錯, 而且肉質稔滑

到最後有任食既精緻甜品, 同我一齊既女士朋友最中意當中既Tiramisu

同朋友share既關係, 可以由原本只係食一個Bolognese, 而家可以試埋蜆意粉, 好在份量不多, 因為仲有主菜都未開始

有驚喜既豬扒, 肉同脂肪比例好好, 肉質爽口嫩滑而且油份適中,

喜歡食肉既我選擇左呢一道味道比較清新既一道菜, 帶子外面香口入面嫩滑, 朋友都好欣賞