泓

朋友生日,諗住請朋友食餐好嘅,見到屯門開咗鐵板燒就去試下啦,打電話留咗位,客服send咗個menu過嚟叫我揀定a定b,我都已經覆咗佢,預約咗下午一點半,我同朋友提早十分鐘到,當時餐廳指仲需要等一陣先至可以安排座位（其實當時都見到啲入面嘅客人似係坐低冇耐,已經心知不妙）但見店家咁講又咁啱落雨,咪係喺門口等下.

結果等到下午一點五十分,我已經搵好另一間餐廳,再入去鋪頭問,店家竟然回覆我仲要等四個字🙄我心諗咁我book嚟做乜,店家根本就冇理到個預約,有人walk-in就畀咗佢入去先,甘驚我唔嚟嘅我唔介意比訂金,而唔係要客人嚟到白等囉.

價錢以屯門嚟講真係唔算平,368另收加一,心諗其實食唔到都好嘅,佢咁樣做生意,就算比我入到去,可能都要食得好趕😒