鮨亭 (已結業)

尋日Blue Monday，絕對需要食返餐調劑下。今次去一間作為屯門牛都真係未必去過既居酒屋，知道呢間餐廳開左好耐但因為位置比較隱世所以可能真係小人去啲但質素唔錯呀。餐廳比我想像中大，有吧台亦有普通台，坐得幾舒服。成間餐廳都係以木設計，感覺幾好，都好適合收工一聚。而且食物都有好多選擇，除左刺身、壽司之外仲有燒物同鍋物。 酒精不能缺少，來杯啤酒!! 🫰🏻先來個沖繩海葡萄凍豆腐 HKD58 透心涼既凍豆腐配左胡麻醬，岩曬熱辣辣既天氣。 單點刺身 ‧金目鯛 鯛魚本身油份飽滿所以師傅都有火炙一下魚皮令佢既魚油香更強烈! 正! ‧深海池魚 肉質好嫩，又係充滿魚油甘香，好新鮮。 ‧磯煮鮑魚 鮮嫩彈牙，好入味。 松葉蟹肉炒飯 HKD128 炒飯炒得粒粒分明，都有好多松葉蟹肉同蟹籽，鮮。 燒雞翼 HKD58 簡單調味，燒雞皮超超超脆，餐廳仲貼心地做左單骨雞翼，送啤酒正呀。 三文魚籽海老卷 HKD128 海老炸得好脆，再加上餐廳特製沙律醬又幾夾，仲要有埋三文魚籽錦上添花。 地方環境不錯，職員都好nice☺️屯門牛可以多一個選擇。