巴巴串 (已結業)

觀塘俾人嘅感覺就係繁忙嘅工廠舊區，週圍都工商廈林立，但亦都有唔少隱世美食隱藏係哩d工廈當中，好友今日帶咗小妹嚟哩間位於駱駝漆大廈嘅「巴巴串」。「巴巴串」完全啱晒小妹哩d 又想BBQ 但又怕熱又懶嘅人😆，你可以係有冷氣嘅環境又唔使點費力就可以食到串燒，哩度每枱配備一台自助燒烤機，你只需放上你喜歡嘅串燒，佢就會幫你自動轉動確保每片都燒得平均，枱面同自助bar 都放咗唔少調味粉同醬汁，食客可以自行調味👍🏻120分鐘放題有齊哂頭盤、串燒、熱食、炸物、甜品、雪櫃等等多達數10款料理任飲任食都係$198起，店長仲話近排仲開埋午市放題都係$158 咋，人少少又想BBQ就可以考慮下哩到😉食物方面種類夠多，食材都尚算新鮮同埋refill 速度快就唔會出現清空情況，回本次選必食海鮮類，連殼帆立貝、大蜆、海蝦、墨魚仔都係必食推介，大蜆清潔得好乾淨完全無沙，唔使多加調味仲保留到海鮮天然嘅鹹香👍🏻肉食愛好者就可以揀牛肉串、牛仔骨、雞翼，仲有唔少丸類同台灣腸都有齊，素食者仲有大量嘅蔬菜、菇類，小妹最愛就係燒粟米🌽、同外脆內軟嘅棉花糖😆，燒菠蘿大推必食，酸酸甜甜開胃又解膩。另外，前菜、沙律、小食、甜品多不勝數，可惜