B.Duck & Buffy 德記茶樓 (已結業)

見幾得意，套餐幾抵，再加埋openrice book位有9折，就嚟試下。上到去，成間舖都係B.duck，好少見主題餐廳係食點心，幾特別。我地叫左$148套餐同燒賣：套餐有蝦餃，流沙包，車仔麵，咸水角，涼拌雲耳同2杯飲品。蝦餃同流沙包都印左B.duck樣，點心唔係得個樣，蝦餃幾好食，皮煙韌，塞滿蝦肉。流沙包，有流心效果，小心熱同流晒啲餡出黎！車仔麵都有好多餸，味道普普通通，魚蛋有少少辣，唔啱小朋友食。咸水角熱辣辣，啱啱炸起上枱，味道正常杯飲可以㨂任何野，除左咖啡要加錢，我地叫左羅漢果冬瓜茶，有少少甜。本身個茶就淡淡地。中和返😅燒賣味道正常，蝦餃出色啲。食物整體ok, 唔係得個樣。幾surprise。