佳記甜品 (已搬遷) 新店位置

入元朗食完飯，梗係去出哂名既Ｂ仔食個甜品啦。雖然門口堆滿等位既人，等左成３個字先有位。Ｂ仔既芒果糯米糍好有水準；首先個皮厚度適中，口感煙韌，惟憾上面既椰絲唔夠香。而餡料方面，選用芒果中菲律賓既呂宋芒，因為當造，所以好香甜，而店家亦落足料唔姑寒（不過成３６蚊）；芒果既比例畀皮大，可以話皮薄饀靚。可惜店員態度差，愈叫愈走，衛生環境亦欠佳。