Mr Brown (已結業)

母親大人趁restaurant week 好醒目咁book咗星期六嘅悠閒午餐。 本來我就冇咩期待點知質素非常高所以就專登上嚟寫一篇食評黎讚一讚佢餐廳環境一流，侍應服務質素亦都超級高相隔5分鐘就會周圍巡留意客人嘅需要。所以只要一舉手就馬上有人嚟招呼印象非常好。食物方面頭盤叫咗一個馬介休魚蓉，上面有茸三文魚子同西芹粒製造不同層次嘅口感，10分滿分我比10分。相對而言另外一個煙燻豬肋骨雖然都好食但就冇咁驚艷。主菜叫咗一個燒海鱸魚Panfried seabass同埋燒豬扒 Grilled pork chop。豬扒每咬一啖都有肉汁擠出嚟，加上上面有青辣椒蓉做點綴，辣得來好開胃。10分滿分我比12分。甜品個燒焦芝士蛋糕超級好食，比我想像中輕盈。非常適合唔鍾意食New York cheesecake嘅我。漏咗講中間仲叫咗一杯清新嘅Cocktail，成份有香檳香草同埋提子汁，適合女士容易入口，酒精成份又唔高。總結而言，就算冇restaurant week promotion我都一定會返嚟食。