新泰東南亞餐廳 (太子集團中心) (已結業)

今晩同Kitty去咗尖咀食泰菜，我地都好期待，特別係冬蔭公! 入到去都好泰Feel，餐廳夠晒大，好闊落，D椅子係籐椅，幾特別。冬蔭公來了，好香好香，D湯酸酸辣辣，辣度十足，也有濃鮮味，湯入面D南羗，香茅同青檸味好出，D蝦好大隻，又加埋D魷魚和什菌，好鮮味，細湯份量好足。我地又叫左碟飛天通菜，其實馬拉盞通菜就食得多，但係飛天通菜，我地未食過，問店員係咩炒，佢話係加辣椒，豆醬，魚露，蒜蓉炒，原來食落都好惹味，都不算太辣，D菜又唔老好綠，正呀! 重有炸蝦餅，表面炸到好脆口，咬落彈牙又鮮味，㸃雞醬另捨開胃，我叫左個椰青，椰青好新鮮，解渴又潤喉，有清香椰味，那晚泰菜須然叫得唔多，但菜式好有水準，我唸有泰國廚師座陣吧。