影片
更多
2021-10-07
649 瀏覽
呢間cafe 我真係有私心share 嘅🙈但純粹係因為自己鍾意水族嘅野，食物方面就差啲而且定價有啲太高，唯一特別就係香港好少見水族用品連cafe 咁開，可以一路食嘢一路望下魚仔，其實好治癒🤣淨係門口已經有個打卡位😍入到去會先見到個open kitchen, 然後就會有水族用品👍🏻行入去就係用餐地方，座位唔算特別多，lunch 多人有機會要等位～___________小方磚朱古力 $45我諗係我地叫嘅幾樣嘢當中，最好味同特別就係呢杯朱古力！小方磚意思係用咖啡做成細細粒蒟蒻啫喱，再加埋上面啲cream 一齊食真係好似以前個隻旺旺咖啡凍😂🤣___________煙三文魚卡邦尼意粉午餐 $98 (跟沙律飲品）意粉味道淡左少少，無一種忌廉汁包住意粉嘅感覺，比較乾身🙁___________班尼迪蛋精選 $78 另加雞扒 $25底下嘅鬆餅唔香口，好似無處理過咁，唔熱荷蘭汁都好似無味道，完全係靠煙三文魚岀味😩___________小食拼盤摩天輪 $168個日其實好多枱都有小朋友，差唔多枱枱都有叫🤣我地都忍唔住😂入面有五款炸物小食，包括薯條，炸蝦，炸洋蔥圈，雞翼同炸雞塊～ 建議人多先好叫，又或者嗌呢個就
___________
小方磚朱古力 $45
我諗係我地叫嘅幾樣嘢當中，最好味同特別就係呢杯朱古力！
小方磚意思係用咖啡做成細細粒蒟蒻啫喱，再加埋上面啲cream 一齊食真係好似以前個隻旺旺咖啡凍😂🤣
___________
煙三文魚卡邦尼意粉午餐 $98 (跟沙律飲品）
意粉味道淡左少少，無一種忌廉汁包住意粉嘅感覺，比較乾身🙁
___________
班尼迪蛋精選 $78 另加雞扒 $25
底下嘅鬆餅唔香口，好似無處理過咁，唔熱
荷蘭汁都好似無味道，完全係靠煙三文魚岀味😩
___________
小食拼盤摩天輪 $168
個日其實好多枱都有小朋友，差唔多枱枱都有叫🤣我地都忍唔住😂
入面有五款炸物小食，包括薯條，炸蝦，炸洋蔥圈，雞翼同炸雞塊～ 建議人多先好叫，又或者嗌呢個就當個下午茶，因為份量都好多！
___________
評分：7/10
___________
地址：水戶 (北角)
北角炮台山道5-13號金堡大廈地下A號舖
45 瀏覽
0 讚好
0 留言
張貼
