The Point (已結業)

我朋友上次行開銅鑼灣見到有依間，所以專登約我地平日星期四食下，因為遲到關係過咗三點鐘所以無得食set lunch,不過唔緊要啦有tea set menu!都幾抵食每人都係＄70到。都有好多嘢食，Size都幾大(想像中T set好細)!都好多人好彩有梳發位！五個人叫到成枱都係野好多款好多選擇，(美中不足，冇好舒服嘅全沙發位，有兩個朋友冇坐得咁舒服)!黑松露薯條一定要order，比想像中好吃。想讚一讚侍應有笑容地招呼還介紹我們點樣order會平啲抵啲！thanks....下次想同屋企人去食dinner,晚餐好似豐富啲多選擇啲！我男朋友話最好係可以門口有得泊車，好方便唔使泊停車場，慳返唔少。環境尚算OK乾淨，不過音樂我就覺得麻麻地，希望下次有新音樂聽，食物可以keep到。