Alvy's (已結業)

鍾意食叉燒飯多薑蔥茸嘅我對呢個白鬼pizza超有興趣，好想知道中西合璧嘅味道，大部分食評都激讃，而家晚市只可以外賣，本來諗住外賣自取，點知比我發現foodpanda仲平過自取(阿sir極度懷疑但事實証明一切)，平咗之餘重點係唔駛特登落去拎，所以大家不妨格下價。🍴特製水牛城雞翼$98⭐️⭐️余均益係本地歷史悠久嘅辣椒醬品牌，以前細細個覺得太辣食唔到，而家都一樣，所以只可以蘸藍芝士，不過個藍芝士醬質地太稀味道亦淡咗d，有d失望，雞翼雖然香脆，但本身冇醃過關係，所以亦比較失色！🍴扭扭薯條$58⭐️⭐️⭐️⭐️扭扭薯條唔會炸得太乾身，有脆中帶腍口感，好好味，份量亦非常多，自家製BBQ 醬超好味，有d似燒排骨醬，亦唔會一味死鹹，只得一兜好似唔夠蘸。🍴白鬼薄餅$154⭐️⭐️⭐️⭐️大約11-12吋，pizza唔係脆身，口感似印度薄餅，咬落軟腍富麵包香，餡料叉燒切細粒方便入口，靈魂薑蔥味道真係超正，薑蔥比例剛好，估唔到叉燒薑蔥同pizza非常夾，不過我覺得薑蔥份量少咗dd。二人共消費：$232 (food panda連運費)