影片
更多
2015-12-11
1272 瀏覽
我係西貢人,咁多年黎都在西貢長大。我都好鐘意自己既地區,比起市區多一份平靜,夜晚望上天空既星星都特別多,綠油油既花草樹木令我身體都健康D。而好多朋友黎西貢通常都同男朋友黎,大家漫步海傍,總覺得好浪漫,特別係冬天啦,冷風下真係要好似樹熊般抱抱取暖。 今日我地要提早慶祝聖誕節,選擇左Okapi,因為佢個裝飾好歐陸,無去個歐洲既,望住大門外感覺好似出面落緊雪咁,而且店內都上曬聖誕佈置,閃閃既鹿同聖誕波等,真係好christmasy,情侶黎都好適合,好有氣氛。前菜:鹿肉醬批伴鵪鶉柳Venison Terrine Quail Fillet鹿肉我好似第一次食,睇master chef就成日見,食就第一次,知道在歐洲都幾流行幾受歡迎。鹿肉口感似牛肉咁,但肉味就再濃一D,帶有少少膻味,所以沙律菜剛好中和左,再清一清味蕾。相反,鵪鶉柳味道則較清淡既,似雞肉。湯:海鮮濃湯Seafood Cream Soup真係好濃,我鐘意海鮮,所以唔會覺得腥,感覺好rich架,一定有好多蝦殼炮製而成既,而且細細一碗湯一d都唔孤寒呀,入面都仲有隻青口同蝦。而且個d cream令成個湯味道結合一齊,再增
今日我地要提早慶祝聖誕節,選擇左Okapi,因為佢個裝飾好歐陸,無去個歐洲既,望住大門外感覺好似出面落緊雪咁,而且店內都上曬聖誕佈置,閃閃既鹿同聖誕波等,真係好christmasy,情侶黎都好適合,好有氣氛。
前菜:鹿肉醬批伴鵪鶉柳Venison Terrine Quail Fillet鹿肉我好似第一次食,睇master chef就成日見,食就第一次,知道在歐洲都幾流行幾受歡迎。鹿肉口感似牛肉咁,但肉味就再濃一D,帶有少少膻味,所以沙律菜剛好中和左,再清一清味蕾。相反,鵪鶉柳味道則較清淡既,似雞肉。
湯:海鮮濃湯Seafood Cream Soup真係好濃,我鐘意海鮮,所以唔會覺得腥,感覺好rich架,一定有好多蝦殼炮製而成既,而且細細一碗湯一d都唔孤寒呀,入面都仲有隻青口同蝦。而且個d cream令成個湯味道結合一齊,再增添少許鮮甜味。
主菜: 紐西蘭肉眼牛扒件大啡菇NZ Rib Eye Steak with Portobello Mushroom首先好鍾意廚師咁有心砌開D紅蘿蔔、瓜類做咁靚,彩色既好嘗心悅目。
不過牛扒有少少over cooked所以唔夠juicy,不過重牛味而且近油脂位超香
最鐘意多汁肉厚既Portobello,個薯容都超香,撈埋個汁好正,而且個D脆脆面條增加口感。
主菜: 燒法國春雞Roasted French Spring Chicken呢個燒春雞,朋友超讚,話食過最好既雞主菜,都唔知係外國人口味唔同定佢地過份客氣。
不過我覺得個燒春雞燒得好嫩滑,雞肉仲好多汁好濕潤。
最驚喜入面填滿材料,原來係risotto,parma ham,veggies,吸收曬所有精華,只係risotto略略過甜,但軟硬度剛剛好
甜品：聖誕樹頭蛋糕Xmas tree log cake我自己唔食朱古力,所以只可以憑朋友comment講番,佢話log cake係外國聖誕節大餐必有,呢個樹頭蛋糕係好似朱古力Swiss cake再coat with一層朱古力,但幸好都唔會過甜,而且份量剛剛好,如果加多球雪糕就perfect!!!
咁布情調同浪漫既聖誕節大餐,真係夫復何求?而且早訂早埋單都有唔同程度既折扣,,賣單都係$300幾一個人,真係all i want for christmas is youXOXO
張貼
