Metropolitain (已結業)

揸住架車，要係西半山開飯，真係有D難度，因為先要泊好架車。好好彩，我係高街揾到個咪表位。我二十年前係呢頭返工，簡直係無啖好食，而家係乜都有得食。禮拜日，午飯時間，好多間舖頭都排嗮隊。不過我好肚餓，唔等得啦！呢間門口有兩張吉枱，一張話留座，一張未執枱。洋妞侍應說歡迎光臨，不過店裡人客多，上菜會比較慢。我哋就在吉枱坐下來。研讀menu，法國人brunch會喝酒，不過我要開車，當然不能喝，（其實很想喝）。All day breakfast，有多種選擇，都離不開雞蛋，我選了Eggs Benedict 。點解？因為我自己煮唔到啰。落咗單，坐係門口，高街雖然係橫街，不過都不停有車經過。邊吃麵包，邊看路人。有一枱洋人吃完了，在門口話別，擁抱、親吻、再擁抱、依依不捨。他們的肢體語言配合咗呢間法國餐廳。Eggs Benedict 來了，好好食！雞蛋嘅生熟程度恰到好處，配合荷蘭醬，正！呢兩樣，我係屋企自己搞唔到嘛！muffin同beacon都好食。（呢兩樣，我有本事整嘅。）放假，就給自己一個悠閒早午餐吧！其實由我哋泊好車，揾到呢間舖頭，到我食完個早餐，都唔洗一個鐘頭，算好快嘎嚹。