影片
更多
2017-12-18
614 瀏覽
今日喺美孚工作，feel like想食all day breakfast就揀咗呢間試下。我地兩個人叫咗一個All day breakfast同煙三文魚牛角包share。先來煙三文魚牛角包，你唔可以話佢唔好食，畢竟牛角包同煙三文魚本身就係好食嘅食材，但係佢就有啲唔太真材實料：牛角包好鬆化，但係鬆得嚟充滿空氣，酥皮嘅layer好少好少，而且每一層都好似跌落嚟嘅碎皮咁薄過紙，咬感欠奉。All day breakfast用小兜呈上，睇落固然好靚，但放返上碟份量應該好少，單單以腸來講，其他餐廳都起碼有半條，但切片再加小兜呈上，加返埋連半條都唔夠；茄汁豆水滴滴，略嫌溝稀咗，唯獨黑松露蛋好滑，剩餘嘅可以咁講：我本身對All day breakfast嘅要求已經好低，畢竟都只係各款食材堆堆砌砌，無須高深技巧，超級好食嘅All day breakfast好少見，所以做到保持到本身食材嘅味道已經好合理，但呢個All day breakfast似乎比我嘅低標準更要低，希望可以改善。不過呢度做得最好嘅係咖啡，單點一個玫瑰咖啡就好好飲，玫瑰味異常地討好，甜度剛剛好，依然保持到咖啡嘅香味。最後就係我地專登喺Fac
最後就係我地專登喺Facebook check-in咗，因為餐廳話會有神秘小食，但我地食完都無比到，我地走左之後先醒起，本身無我地唔自在，但係講明話有但又無比就覺得失望了，尤其食物質素已經唔係太取悅到我地。
張貼
