米子燒肉家 (已結業)

今日同老公嚟咗粉嶺中心，食燒肉放題。呢度嘅燒肉有唔同嘅等級選擇想食平啲就可以揀普通燒肉$268，或者食豪d 就可以揀A4和牛燒肉兩個價錢都係任食兩個鐘，我哋今次就選咗A4和牛燒肉。和牛呢度啲和牛都有幾款選擇包括有和A4牛肉眼，A4和牛肩胛，A4和牛三角肉，M5和牛肩胛，和牛雪花遍布均勻，油脂豐富真係入口即溶，咁嘅價錢食到A4和牛真係超級抵食！牛十品牛十品係指唔同嘅牛部位，包括牛舌，牛五花，牛柳，牛板腱等等，可以試晒唔同嘅位置，睇吓自己鍾意食邊個部份。雞肉同豬肉雞肉方面係我最驚喜嘅一部份，因為雞肉啲肉質真係非常之嫩滑，唔會鞋口真係必點之一而且仲配埋芝士點嚟食增加口感添。豬肉方面都有成四款選擇㗎！海鮮有青口，魷魚，三文魚鮎，多春魚同帆立貝仲有味噌甲羅燒真係必食之一，蟹膏味道香濃。呢度啲飲品係喺飲品櫃自取，入邊仲有啲店舖自家製嘅飲品Tim ，同埋仲可以有免費嘅生菜夾住啲肉嚟食減低油膩感。咁嘅價錢食到咁多款選擇真係非常之優惠啊！