Pause It (已搬遷) 新店位置

Pause It [||] 近來發現家中附近開咗一間咖啡店，遠望已經覺得有點外國feel，結果走咗入去試試。𥚃面嘅環境好舒服、裝修好清新好有upstate New York嘅感覺，最啱我啲自拍🤳😬跟住有位靚女行埋我身邊問我想要啲乜，原來嗰位靚女係老闆娘之一。 我當然叫佢介紹一下有啲咩好食。佢問我平時鍾意飲開邊類型嘅咖啡？其實我平時不嬲飲齋啡，結果我都係選擇左 Americano、呢度嘅Americano同平時我飲嘅有啲唔同，結果我一問之下原來咖啡師傅用左Double shot, 但係又冇苦澀味好特別! 飲完唔夠喉，重試埋佢哋嗰杯charcoal coffee😋除咗嘆咖啡之外，我叫左一碟pasta: 茄汁長通粉。 平時街外食嘅茄汁醬一般都用現成嘅、加熱煮埋落啲通粉呀意粉囉，但呢度唔同、一食就知道個醬汁係自己慢慢煮有心機嗰種，食到個人都開心啲!埋單嘅時候仲開心，因為比起平時我去出邊食嘅茶餐廳嘅價錢都唔止呢個。 原來老闆話初初試業價錢平d當做promotion！大家如果經過開喺附近真係值得來試一試！