組長日式放題 (已結業)

放題我都食過好多間，原本不吃刺身的我，已慢慢習慣了，懂得欣賞刺身的味道。今日黎到銅鑼灣呢間組長放題，位於旺區，6點半上到去已經好旺場，一黎就睇下有咩食，都不在乎刺身，天婦羅，壽司，串燒等等。田園沙律，韓色青瓜，中華沙律，叫左3款沙律小食，清一清腸胃，味道尚可。炸物叫了黃金蝴蝶蝦，炸得夠脆。吉列炸蠔外層香脆，裏面嘅蠔不會過熟，幾好味。芝士年糕裏面包住香濃芝士，煙煙unun好得意，大蝦天婦羅每次都會食，脆漿不會好厚，長長蝦肉我最鍾意。牛油炒雜菌有只一點牛油味，再濃一點就更好。芝士扇貝雖然細細隻，但芝士燒得好香，肉質鮮甜。串燒叫左燒菠蘿，雞骨腸，雞軟骨，秋刀魚，小蕃薯，都ok嘅，可以再好啲。刺身方面，好夠新鮮，我最鍾意食三文魚和甜蝦，食左好多。呢度嘅壽司都好好味，推介食帶子壽司，原粒帶子好厚肉，非常鮮甜，火 灸壽司就鍾意食組長蝦，面層用火槍辣過別具一番風味。分不同時段有不同的價錢，最平是$158，最貴都是$198，價錢適中，食返多幾件刺身都低返曬啦。