影片
更多
2021-04-21
58 瀏覽
❀ 神樂 #尖沙咀 ❀❗️$880十六款料理omakase❗️——————————————————Omakase一向係高級嘅體驗，大部份都要成個過千蚊💸今次嚟到尖沙咀嘅呢間日本餐廳，晚市$880就已經可以食到16款唔同料理嘅omakase。不過當然一分錢一分貨，覺得水準服務都唔算好好，不過整體味道大致鮮甜，如果要求唔算好高，想平平哋試吓omakase既可以考慮🙈。.✷𝑀𝑒𝓃𝓊✷由於omakase嘅款式每次都唔同，所以就費事逐一介紹。以下列出當時食過嘅款式，最後再作整體評價。不過都利申翻👅自己唔係一個食日本料理嘅專家，對魚生刺身嘅認知絕對唔算深入，不過當日都叫咗一個係呢方面比較有研究嘅朋友一齊品嚐，以下都係只係一啲自己主觀嘅食後感👷🏻♀️。.☞ 神樂Omakase $880 (3.9/5)呢個最signature嘅omakase一共有16款唔同嘅料理✨當中最主要係壽司、其次有少量刺、前菜、麵豉湯同埋一個熟食。當日包括有：兵庫縣生蠔、螢光魷魚、象拔蚌刺身、剝皮魚、魷魚、鰹魚、素燒虎蝦、赤陸、松葉蟹肉伴海膽、帆立貝、鮫鰈魚配海膽、北海道野生左口魚邊、車海老、海膽、鵝肝帶子、拖羅刺身。會留意到其實
❗️$880十六款料理omakase❗️
——————————————————
Omakase一向係高級嘅體驗，大部份都要成個過千蚊💸今次嚟到尖沙咀嘅呢間日本餐廳，晚市$880就已經可以食到16款唔同料理嘅omakase。不過當然一分錢一分貨，覺得水準服務都唔算好好，不過整體味道大致鮮甜，如果要求唔算好高，想平平哋試吓omakase既可以考慮🙈。
.
✷𝑀𝑒𝓃𝓊✷
由於omakase嘅款式每次都唔同，所以就費事逐一介紹。以下列出當時食過嘅款式，最後再作整體評價。不過都利申翻👅自己唔係一個食日本料理嘅專家，對魚生刺身嘅認知絕對唔算深入，不過當日都叫咗一個係呢方面比較有研究嘅朋友一齊品嚐，以下都係只係一啲自己主觀嘅食後感👷🏻♀️。
.
☞ 神樂Omakase $880 (3.9/5)
呢個最signature嘅omakase一共有16款唔同嘅料理✨當中最主要係壽司、其次有少量刺、前菜、麵豉湯同埋一個熟食。
當日包括有：兵庫縣生蠔、螢光魷魚、象拔蚌刺身、剝皮魚、魷魚、鰹魚、素燒虎蝦、赤陸、松葉蟹肉伴海膽、帆立貝、鮫鰈魚配海膽、北海道野生左口魚邊、車海老、海膽、鵝肝帶子、拖羅刺身。
會留意到其實都有唔少矜貴嘅食材，包括車海老、拖羅，而且好多壽司都會加上海膽。
.
☞ 鮨omakase $550 (3.9/5)
呢款就主要係壽司🍣一共有12件，包括：煙燻醬油鰤魚、泡菜八爪魚、深海池魚、金目鯛配柚子啫喱、竹籤魚、活北寄貝、白蝦伴海膽壽司、醬油漬赤身、蟹膏燒牡丹蝦、火炙銀雪魚、北海道帶子、海膽、燒拖羅配焦糖洋蔥。
會見到大部份壽司同神樂omakase冇重複，如果同朋友嚟都想試多啲嘅可以一人嗌一款。不過平啲當然食材都冇咁高級，但係都有唔少海膽、亦有拖羅，不過今次就炙燒咗而非刺身。
——————————————————
✨整體味道: 3.9/5
✨環境裝修: 3.5/5
✨服務態度: 3/5
✨性價比: 3.8/5
✨再訪興趣: 3/5
.
💞整體來講
整體刺身壽司都算鮮甜。用上赤醋，對我來講略嫌酸咗啲，不過溫度、濕度、飯嘅軟硬度都恰到好處👌🏻。但大部份處理方法都係炙燒、或者加上柚子汁，可能唔算最新鮮(?)，所以要用呢啲方法癖走腥味。另外兩款omakase嘅拖羅亦加上咗紫蘇葉，個人覺得搶晒拖羅嘅味，唔係太識欣賞😶。
另外食omakase除咗係品嚐刺身壽司之外，亦都係享受當中嘅過程、欣賞廚師製作、甚至同廚師交流。不過呢度嘅服務就唔算特別好，廚師只會簡單講一講個名，而且未食完一舊已經會上下一舊/事先整定。加上當時餐廳唔算好多人，影相嘅時候侍應都有望住(幾明顯lol)，會有少少唔舒服🥺。
覺得賣點在於唔算太貴，有唔少矜貴魚生，而且整體質素其實唔算太差，如果只係想一嘗omakase嘅都可以試吓。
張貼
