等等HEA

營業中

休息中

上網睇到佢賣嘅廣告，88分鐘大閘蟹放題，諗住開開心心食餐飯，點知中伏，搞到一肚火。食左一粒鐘多d，仲有25 26分鐘時候，就叫左一碟碟蟹4隻（一人2隻），諗住食埋最後一輪。結果個女老細就行過黎，叫你埋單走人。佢之前係冇提過我地要last order。女老闆：你地超鐘啦，要埋單走人啦本人：張單仲有成廿分鐘wor，咁快就夠鐘？女老闆：你地食唔切架啦，煮又要十幾分鐘，食又要十幾分鐘，加埋咪超鐘lor本人：已經落左order，煮緊啦wor女老闆：你地食唔切架啦個女老闆仲要一路講，一路收走你d餐具，執台。最後吵左一陣，佢覺得自己理虧，先有得繼續食，但冇餐具。食完埋單去埋廁所都未夠88分鐘。有個好好笑嘅位係，你要like佢個社交平台先俾膠手套你食蟹。呃like都唔使咁孤寒丫嘛。咁基本嘅膠手餐具，要like先俾你，真係好9。