阿肥火鍋 (已結業)

火鍋真係一年四季都咁鍾意食~今次試下阿肥火鍋，呢度係我每日喺尖東放工行去搭車必經嘅店，位於嘉芙中心地庫。開左幾個月終於同老公一試！甫踏入店內彷彿走到歷史博物館的80年代展覽廳，甚有公屋情懷~更加勾起我不少童年時在牛頭角下邨居住的回憶。糧油雜貨、涼茶舖、跌打館、魚檔~ 就連包房也像屋內佈置收銀處變成了銀號，似模似樣，盡入眼簾。為配合周邊環境，連音樂都播放80年代四大天王、哥哥、陳百強等經典金曲~相當有氣氛! 鄰桌既日本食客更手舞足蹈打起拍子來~餐具方面用上了懷舊公雞碗碟，仲有戰鬥碗飲啤酒。講返湯底先，款式都幾多同埋特別，有大大個原盅燉湯, 如燉花膠鮑魚淮山杞子烏雞，非常足料滋補。又有羔蟹竹絲雞冬瓜盅，見鄰桌點左夾起係原隻蟹，我地點左昆布松茸菌湯。跟日式嘅昆布湯唔同做法，湯底加入紅棗，完全沒有加上味精，飲左2碗湯都無口乾既感覺，非常鮮味。配料方面點咗鮮滑嫩牛肉，好滑溜既感覺，好新鮮，輕灼數秒就就食得！門鱔炸魚皮，帶幼骨好香口，不過咸咗D。 鮮蝦松露餃(半份)有4隻，咬開好香既松露味，蝦肉爽口。手打陳皮牛肉滑，用新鮮牛肉打成，口感實淨真材實料，仲加左d馬碲粒喺面，增加口感！牛骨髓沒雪味，口感