影片
更多
2010-04-16
21 瀏覽
上星期四和久未見面的朋友來了這間金滿家日式放題專門店。本來選了另一間日式放題,在奧海城那邊的, 但因時間地點關係,就選了這間近POLY的店子..本來都不盡信OPENRICE的評語,但那晚經歷了這家金滿家後,果然空穴來風、未必無因囉~!!當天下午已經致電詢問關於當晚放題價錢和時間,首先是朋友打去問, 得到的答案是分兩段時段, 7點半前和7點半後, 前者$118加一,後者128加一朋友忘了問優惠事宜, 於是到本人致電詢問, 卻得到7點前和7點後這個與之不同的答案@@..然後再問問關於信用卡優惠時, 那位接電話的男生,一時說master和visa卡消費滿500就另有8折,一時又說是信用卡消費滿800才有9折...兩者相差這麼多啊=="這算了~反正我跟朋友只是兩個人來, 怎樣都吃不到他們$500吧..找路找不到, 眼看再10分鐘就是7pm,打去開他們的位置是那裡..這個他們倒也說得頗清晰。進店子時, 朋友就問收銀阿姐現在的價錢是不是$118加一,那個女的說了是我們才進店~本來他們安排我們到兩人枱..可是好小的一張枱子..於是要求坐在bar枱附近~有茶, 可是沒碟, 筷子就這樣放在桌上..真的.
本來選了另一間日式放題,在奧海城那邊的, 但因時間地點關係,就選了這間近POLY的店子..
本來都不盡信OPENRICE的評語,但那晚經歷了這家金滿家後,果然空穴來風、未必無因囉~!!
當天下午已經致電詢問關於當晚放題價錢和時間,
首先是朋友打去問, 得到的答案是分兩段時段, 7點半前和7點半後, 前者$118加一,後者128加一
朋友忘了問優惠事宜, 於是到本人致電詢問, 卻得到7點前和7點後這個與之不同的答案@@..然後再問問關於信用卡優惠時, 那位接電話的男生,一時說master和visa卡消費滿500就另有8折,一時又說是信用卡消費滿800才有9折...兩者相差這麼多啊=="
這算了~反正我跟朋友只是兩個人來, 怎樣都吃不到他們$500吧..
找路找不到, 眼看再10分鐘就是7pm,打去開他們的位置是那裡..這個他們倒也說得頗清晰。
進店子時, 朋友就問收銀阿姐現在的價錢是不是$118加一,那個女的說了是我們才進店~
本來他們安排我們到兩人枱..可是好小的一張枱子..於是要求坐在bar枱附近~
有茶, 可是沒碟, 筷子就這樣放在桌上..真的...有點不衛生吧==
我們滿心歡喜點食物~畫啊畫~
很多食物~
刺身,竟然冇甜蝦...不過三文魚好鮮, 鮑片都好味(不過松屋好食D~)
炸物、申燒都好好食, 係豬肉餃子差左D..
鍋物~點左冇唻, 不過見其他枱既人客...就知份量好多..望落去似係平時lunch既size..雖然呢個漏單,但係我地有D慶幸..因為食得好飽
小吃, 酸汁煙鴨胸值得一讚
小炒(?), 點左個炒蜆, 酸酸辣辣甜甜幾惹味~!
認真講句, 食物係意外驚喜咁好食,$118加一食到呢個質素既食物,真係really good~!!
但係服務真係麻麻,
自問本人同朋友係接受度頗高既人..都忍唔住一齊話金滿家服務真係冇乜..
唔係差..係冇乜..因為全場得兩個侍應生, 7-9pm呢段時間佢地忙到抽筋, 齋係送野食比客已經見佢地冇停手, 叫佢地加茶..佢地應完之後都冇左件事...唉..算啦..一睇就知佢地兩個好新..
反而係收銀阿姐, 我會比十萬個差劣佢!!
事緣係埋單果陣, 唔知點解好快手咁比到張單我地,
一睇@@唔對路~!!點解會變左$128一位??加埋一..人均消費$141..
於是乎望望張單既時間...19:00:11....11秒@@!!!
梗係同返佢地講 "之前我地問清楚係$118架wo,點解會變左$128??"
之後無幾耐個收銀阿姐行唻話: "唔好意思, 我嘗試幫你改,但係入左機改唔到"
我地梗係冇理由就咁算啦.."下? 但係我地明明問左你係咪$118先入唻食...如果係$128我地會揀過第二間囉.."
收銀阿姐: "真係改唔到, 入左機, 唔好意思"
頂..心諗呢個唔係我地問題, 你入左機又點?? 於是乎話:" 咁呢個好明顯唔係我地問題, 之前我地係問你,確定左仲係$118先坐低, 而家你要因為唔知係落單定係咩既因素之下, 令到入機時間遲左11秒, 咁講唔通囉"
之後果收銀阿姐突然變臉:" 哦, 咁收返$118加一啦, 我手寫改返張單, 唔該$260"
真係好好笑, 入左機唔改得, 但係手寫就改得?
知道點都收唔到我地$282, 即刻連基本禮貌都冇埋
呢間野, 大家真係要超級唔care佢地既服務質素先好唻試, 如果唔係只會好似之前幾位CHING寫既食評一樣食到一肚氣!!
最後再真心咁講返句, 其實成間野既最大最大最大最大問題係個收銀阿姐到, 冇幫手做waiter既野不特止, 仲要比面色客睇!! 間野又衰左冇乜人手係樓面, 反而我地係bar枱就望到廚房好多人...唯一令人覺得驚喜既係, 食物好好味..
不過就算食物幾好...都彌補唔到佢冇服務但係仲要收加一既缺陷!!
喊面, 就係因為咁先比得出手...
張貼