杜老誌大飯店 (已結業)

杜老誌道上嘅杜老誌大飯店，一入去就好似入咗繁華嘅老香港咁，有好多霓虹燈牌，極有特色！連洗手間都打造成舊式升降機風格，裝修非常用心呀。椒鹽魷魚鬚($98)超大碟椒鹽魷魚鬚，外皮炸得超酥脆，調味啱啱好，唔會過咸。最Surprise嘅係，凍咗都依然勁脆！因為好多餐廳整嘅，都係放一陣就焾晒，所以呢道椒鹽魷魚鬚超有水準！花甲蒸水蛋($138)超有心思呀，先蒸半層水蛋，插入一隻隻花甲，排到成朵花咁，超靚呀！蛋亦蒸得好滑，而且蛋仲多過水，口感實在，勁飽肚！菠蘿皮焗西米布甸（$38)菠蘿皮超香脆，加上Creamy嘅西米布甸，令呢道甜點散發滿滿嘅幸福感。入面熱辣辣，為呢餐畫上完美句號！