影片
更多
2018-02-05
28 瀏覽
喺荃灣食嘢，有好多選擇，例如去鱟地坊，可以食打拎、串燒、茶記、麵館、唦嗲、西餐、甜品專門店……不過，我多數係嚟食雞煲。今晚好凍! 得7度! 最好係對住個熱騰騰嘅火鍋，食住個椰子雞煲，夠滋補養生，瞓覺都會發個好夢。同個friend 嚟到，好彩唔使等位，否則要企喺條街捱凍等位實俾佢鬧死。雞煲有4款: 麻辣、酸菜、藥膳和椰子。唔多諗，都係照舊啦，食椰子雞煲，要半隻雞就夠喇，因為要預個肚食下其他串燒、燒烤嘢。鍋底好多料，雪耳、紅棗、杞子和椰子，識嘢嘅，都知道夠滋陰養生。半隻雞，size 唔細，多肉，無肥油，唔怕搞到個火鍋油冧冧。雞煲要等15分鐘先有得食，好彩碟熱辣辣嘅炒米粉轉個頭就到，可以食住等。【炒米粉】味道辣辣地，又夠鑊氣，好食!【燒蕃薯葉】味道都OK，不過略嫌油咗啲。如果，加少少紅椒絲會唔更好啲呢?【川燒京蔥牛舌】、【川燒蒙古羊肉】真係無得頂。唔羶，肉質好，燒得香噴噴，上面撒咗啲秘製辣粉，真係好好味，會食到上癮。我見隔離檯三仔乸嘆住紅酒，食完兩串，又叫多兩串，跟住又叫多兩串，果然識貨。【燒羊架】個樣好得，食落仲得。唔羶，醃得入味，烤得火喉啱啱好，唔韌，羊肉味豐富。當然又唔少得嗰啲秘製辣味
同個friend 嚟到，好彩唔使等位，否則要企喺條街捱凍等位實俾佢鬧死。
雞煲有4款: 麻辣、酸菜、藥膳和椰子。唔多諗，都係照舊啦，食椰子雞煲，要半隻雞就夠喇，因為要預個肚食下其他串燒、燒烤嘢。
鍋底好多料，雪耳、紅棗、杞子和椰子，識嘢嘅，都知道夠滋陰養生。
半隻雞，size 唔細，多肉，無肥油，唔怕搞到個火鍋油冧冧。
雞煲要等15分鐘先有得食，好彩碟熱辣辣嘅炒米粉轉個頭就到，可以食住等。
【炒米粉】味道辣辣地，又夠鑊氣，好食!
【燒蕃薯葉】味道都OK，不過略嫌油咗啲。如果，加少少紅椒絲會唔更好啲呢?
【川燒京蔥牛舌】、【川燒蒙古羊肉】真係無得頂。唔羶，肉質好，燒得香噴噴，上面撒咗啲秘製辣粉，真係好好味，會食到上癮。我見隔離檯三仔乸嘆住紅酒，食完兩串，又叫多兩串，跟住又叫多兩串，果然識貨。
【燒羊架】個樣好得，食落仲得。唔羶，醃得入味，烤得火喉啱啱好，唔韌，羊肉味豐富。當然又唔少得嗰啲秘製辣味粉啦，真係好想食多件。
【燒白鱔】其實係會好食過燒鰻魚的，因為鰻魚燒完之後，硬係覺得佢會腍晒。而燒白鱔就唔同，啲肉會較結實啲，口感會好啲，同埋燒白鱔係會香啲，層皮係會脆啲。當然，要個師父掂先得。呢三串，堅得!
【燒豬仔肶】其實係燒得唔錯，不過，要挑剔一下就係個茄醬汁，似乎太多。我覺得，如果可以將醬汁分開來上，俾客人自己點，會好一點。又如果，可以上一碟仔秘製辣味粉就更加好。
講番個主角【椰子雞煲】，當湯底大滾後，就可以放碟雞入去，蓋上鍋蓋，中火煲10分鐘，然後熄火，焗多佢5分鐘就食得。
就係咁，雞肉嫩而滑。雪耳爽。紅棗甜。
鍾意食辣嘅我，就點少少辣椒豉油，隻雞翼零捨好味。
至於個湯，千祈唔好嘥，一定要飲埋佢，因為佢已經不折不扣變成一個雞湯，加上有椰子喺裡面，就更加清甜。天氣凍時，飲落又暖胃又非常舒服，超正!
今餐極豐富，又唔貴，五舊水左右，個friend 話佢請，恭敬不如從命。下次再食過，我嘅。
張貼
