629 淥易搞 (已結業)

太子新開嘅餐廳，個名幾得意；睇見啲嘢食又都幾得意， 而且唔使等位，就入去食飯。午餐都幾多經濟實惠嘅選擇，不過既然嚟得，就梗係搞搞新意思，試吓「淥易搞」招牌菜。文字介紹係煮好新鮮食材，加入自家製醬汁，入袋後畀客人自己搖勻，食得。我覺得同響旺角街頭嗰啲膠袋小食有啲似，即係喺個凍櫃前面，揀咗一堆食物，然後阿姐會幫你將啲食物攪埋一齊，落埋調味料嗰啲呢~不過呢度嘅食材，當然靚好多，有新鮮嘅海產、肉類、蔬菜等等，海鮮仲要係不時不食，要有心理準備餐牌上面寫咗嘅嘢都未必有，因為老闆一見來貨唔好，就唔入㗎啦！揀好食材，再揀調味醬。搞搞下過程原來有人代勞㗎啦！成大袋食物係咁搖，少啲臂力都搞唔掂呀。首先講下主食，呢個喺坊間比較少見嘅紅菜頭麵，用蔥油撈麵，食落竟然有啲雞味！麵質好有咬口，顏色無想像中咁紅。Shaking食材揀咗半隻龍蝦，一份鮑魚同埋一份鮮冬菇，醬汁係青檸醬。咁樣搖一搖，龍蝦蝦膏搖曬出嚟，連帶鮑魚同冬菇都帶咗啲蝦膏香。本身就好鍾意鮮冬菇嘅細滑，用青檸汁調味，酸酸哋仲開胃。鮑魚連殼shake，有啲搖甩咗，有啲就無，要寶物尋歸底喇；鮑魚新鮮甜美，肉質彈牙，估唔到同青檸汁又幾夾。龍蝦被切咗件先shak