三多美食 (已搬遷) 新店位置

喺現今物價騰貴嘅香港，出街食飯每次動輒最少都要五、六十蚊一餐，兼且仲要係食唔飽，可以話係人生嘅一大悲歌，但相反～只要你肯不辭勞苦，努力周圍去尋覓食，梗會遇上唔少嘅有心食店，三多兩餸就係其中嘅一間，$55蚊有一份豉汁蒸白鱔，一份大約有十件，而且每件白鱔都幾蜰美兼係厚切，我個人認為應該係全港最平，其他食店、茶記根本冇可能揾到一間可以平得過佢，因為豉汁蒸白鱔出咗名價錢一向係偏貴，難得三多可以做到平民價錢，真係平民嘅福音！