CAFÉ LANDMARK

營業中

休息中

昨晚咁啱同我嘅至強閨蜜，試到已接近尾聲階段嘅「無國籍料理」菜單，真係充滿驚喜！平時相對比較少喺晚餐時段幫襯，萬萬估唔到，可以喺Cafe Landmark享受到Fine dining級數嘅日本fusion菜。菜式用料全部日本空運，新鮮美味，主廚熊谷喜八先生所設計嘅菜式，不但糅合咗唔同地方菜式嘅精粹，並具有豐富層次感，將食材鮮味進一步提升。當中嘅第二道菜—-辛香料炒龍蝦，著實係不能錯過，龍蝦肉質細嫩，再配上特製香料烹調，真係從來無食過咁特別，咁有創意嘅做法。另外，最後上嘅椰子雪糕配蜜瓜汁，更將味覺提升至另一層次，為我哋嘅晚餐作一個完美嘅收結～作為一間cafe，就能夠以只係$500嘅價錢，帶我哋嘅味蕾，喺舒服嘅環境下，遊走世界國地，真係夫復何求？