✨海鮮·刺身
適逢係龍蝦主題，餐廳除咗提供波士頓龍蝦之外，亦都有加拿大長腳蟹、翡翠螺、麵包蟹，想回本又鍾意食海鮮嘅朋友絕對不能錯過。
刺身方面就比較大路，三文魚、八爪魚、甜蝦、赤貝都有，可以細味一下，但係重頭戲一定要放係熟食區！！
✨主食
餐廳嘅片皮鴨亦都係我嘅終極推薦，每份唔會太多，鴨肉同醬汁都適量地分配，重要嘅係塊皮夠薄身；6:45有一場葡式燒乳豬表演🎭可以試吓用碟切乳豬，另外亦都有廚師表演煙燻紐西蘭牛柳，示範完會放去熟食區，即刻夾真係熱辣辣脆卜卜；其他熟食好似芝士蘑菇釀蟹蓋、炸生蠔都係香口之選；蠔汁燴花膠同樣用料大方，花膠帶點彈牙～
▫️重點，每位客人都會有一客佛跳牆，一啲都唔馬虎唔吝嗇，真係好足料，湯頭又唔會太鹹，金華火腿同瑤柱味好出眾！！！而龍蝦湯就相對重口味少少，但係同樣吸引。
✨甜品
令人眼花撩亂嘅甜品位置，如果食到好飽都不能夠錯過佢嘅得獎甜品，《朱古力蜜柑慕絲蛋糕》，慕絲嘅軟滑搭配清甜嘅蜜柑，真心值得一試；綠茶歌劇院蛋糕亦做到層次分明，茶味香濃。火焰雪山係餐廳第二場表演，把白蘭地淋上棉花糖之上，藍橙色嘅火焰即刻閃爍出現，全場好有氣氛；唔少得Haagen Dazz雪糕免費任食，建議可以配上窩夫；士多啤梨拿破崙細細件，唔會填得太飽～仲有個泡芙撻打卡一流！！！真心甜品唔錯(・ω・)ノ
