OZONE

營業中

休息中

今日黃昏黎到全球最高的天台酒吧，484米高，第118層的Ozone，樓下上去要職員幫你禁Lift先上到去，轉一次Lift就黎到。5點鐘係落場之後再開門的時間，冇人咁濟，咁我地就搵個位坐下，聽下音樂，飲下野咁，音樂幾好聽，有節奏感又唔算太嘈，飲品方面我叫左杯Cocktail，好甜但係好好味，我覺得都算多，唔會好快飲完，佢仲送埋爆谷比我地，不過爆谷好咸下，我諗佢想我地快D口喝可以再叫第二輪飲品。侍應好好人，係一個外國人叫Oliver，佢主動同我地吹下水，可惜我英文就麻麻，虛應之算。出面仲落緊好大雨，我心諗一場黎到冇理由唔影相，於是冒雨衝出去影相，搞到成身濕哂，未日落的景色有雲，玻璃有水的關係，唔係好睇到出面有咩，不過由於四面都有玻璃擋住，唔算好大風，後來等到日落雨都停左，開始見到夜景，好似英雄片個類取景咁，最遠望到Megabox，維港兩岸，連埋尖東都睇到。價錢我覺得有呢個景同埋服務絕對係物超所值，5點至7點未放工傾計係好方便，冇咩人嘈住，臨走的時候都開始多人同熱鬧，有機會一定要再黎。