悅來酒店咖啡廳 (已結業)

其實去呢度食過好幾次(都係午餐自助餐),每次食品都吾錯。服務:幾好,可能我一早就訂位,佢地今次安排既位好好,近食物得黎又吾會好多人經過,提議其他食友,如果有心係度食,早訂位有著數。環境:其實呢度d環境一直都好得架啦,地方寬敞又乾淨。食物:魚生補充得好快,重有鰻魚肉粒做沙津,其他冷盤次次都有吾同款,有新意。今次既忌廉湯幾好,熱盤亦佳(不過我好少食)之於兒童食物果邊,我只係食左蝦多士,見個樣炸得幾好,可惜多油左d。甜品:朱古力慕絲蛋糕只出一個,之後出d生果盤頂檔,吾夠誠意。其中一款用細碟裝既甜品,應該係罐頭桃之類,初次見個外型好吸引,但一食又覺得好重藥水味(汗),呢次d甜品要扣分。飲品紅茶依然吾得。其實每次食完填果份顧客意見書,我每次都會填要求改善紅杯質素。但餐廳果方面,似乎意見接受,態度又照舊。本來餐廳省錢用番酒店既紅茶包,我都已經算啦。不過餐廳果邊可吾可以先用個大茶壺泡好紅茶,然後顧客一沖就可以飲?但餐廳總係只放晒d茶包出黎,要d客人自己用個細到無倫既茶杯泡茶,泡左半日先至有d茶味出黎。餐廳d甘既服務,擺明要d顧客臨走時先有茶飲?!