黃珍珍泰國菜館 (已結業)

好耐冇黎，今晚1行5人到黃珍珍食晚餐。咖喱蟹（細）/法包仔 ： 今次隻蟹好新鮮，個汁好多唐芹、洋蔥，好香椰汁味，用法包仔點咖喱汁食，好味。海鮮炒河（乾炒）：好似吾太乾身同味道淡左d。燒雞1隻：啖啖肉及今次比以前 juicy ，都吾錯，雖然上檯個賣相不佳。鹹魚炒椰菜苗：好香魚露味及好有獲氣，可惜份量不多。蒜子胡椒鮮魷：炸粉不太平均，魷魚件比較細件，普通，伴碟菠蘿就好甜。甜品拼盤：試個粒芒果糯米糍，外皮軟軟淋淋，中間粒芒果肉好甜。另外叫左生啤1渣，埋單 $1150。