富東閣海鮮酒家 (已結業)

我係幾咁痴線先會約親戚去飲茶😂好多點心都唔食得，食嘅話皮又食一半，不過我都好想支持告急嘅富東閣，因為有兩個囝真係好 大 食 ！～～～🌱鮮蝦菜苗餃($16)呢個我自己食咗一籠，睇相都見到成隻餃都係蝦，而且仲好爽，大概得三成係菜，唔講以為自己食緊蝦餃，CP值超高！～～～🦵🏽沙薑雞腳($30)沙薑醬其實都係果隻味，但佢嘅雞腳唔會煮到太爛，筋嘅部份仲好爽滑。～～～🍰原籠馬拉糕($18)超蓬鬆嘅馬拉糕，空氣感夠強又唔會太甜！