更多
2020-08-06
1782 瀏覽
今日響長沙灣有少少嘢做， 做完後， 收到屋企人話今日唔想煮嘢，叫我買外賣返屋企, 經過茶樓覺得家人都啱食,又有四八折，好抵, 就揀依間啦！瑤柱金菇炆伊麵 外賣價$42好耐冇食過伊麵，響芸芸的選擇當中，第一樣就想點依樣！返到屋企打開見到原來好大盒， ，唔會因為係優惠價而偷工減料，有不少乾瑤柱絲鋪咗響伊麵嘅面，伊麵軟硬度適中，好夠味道， 當中有蘿蔔絲，韭黃同埋菇片。黑椒香薯牛柳粒 外賣價$57牛柳粒偏大粒，咬落都幾夠淋，啱牙力唔夠嘅爸爸食， 而且牛粒唔多肥膏，牛味都重， 薯仔係先炸過的，所以夠曬香！西蘭花炒蚌片蝦球 外賣價$61都知屋企人唔鍾意食要剝殼嘅海鮮㗎喇， 呢味餸啱曬佢哋， 蝦頭同蚌方又大又爽口, 加上“卜卜脆”嘅西蘭花,只要每樣食材都新鮮，以簡單嘅蒜蓉炒,已經將食物嘅鮮味徐徐帶出。揚州炒飯 外賣價$42炒飯中間有菜心粒，炒蛋粒，叉燒粒同蝦等等，炒得偏乾身，而且每粒都炒得分明， 食落好香，唔連餸，就咁食都好滋味！竹笙羅漢上素 $41由於竹笙比較貴,出面嘅茶樓通常都係敷衍了事，最多只係放四至五片就算， 今次就剛剛相反有超多嘅爽口竹笙加埋唔同嘅菇菌類，木耳同馬蹄, 如果有埋豆腐就
瑤柱金菇炆伊麵 外賣價$42
好耐冇食過伊麵，響芸芸的選擇當中，第一樣就想點依樣！返到屋企打開見到原來好大盒， ，唔會因為係優惠價而偷工減料，有不少乾瑤柱絲鋪咗響伊麵嘅面，伊麵軟硬度適中，好夠味道， 當中有蘿蔔絲，韭黃同埋菇片。
黑椒香薯牛柳粒 外賣價$57
牛柳粒偏大粒，咬落都幾夠淋，啱牙力唔夠嘅爸爸食， 而且牛粒唔多肥膏，牛味都重， 薯仔係先炸過的，所以夠曬香！
西蘭花炒蚌片蝦球 外賣價$61
都知屋企人唔鍾意食要剝殼嘅海鮮㗎喇， 呢味餸啱曬佢哋， 蝦頭同蚌方又大又爽口, 加上“卜卜脆”嘅西蘭花,只要每樣食材都新鮮，以簡單嘅蒜蓉炒,已經將食物嘅鮮味徐徐帶出。
揚州炒飯 外賣價$42
炒飯中間有菜心粒，炒蛋粒，叉燒粒同蝦等等，炒得偏乾身，而且每粒都炒得分明， 食落好香，唔連餸，就咁食都好滋味！
竹笙羅漢上素 $41
由於竹笙比較貴,出面嘅茶樓通常都係敷衍了事，最多只係放四至五片就算， 今次就剛剛相反有超多嘅爽口竹笙加埋唔同嘅菇菌類，木耳同馬蹄, 如果有埋豆腐就更加好。
馬來咖哩雞 $44
呢個係一個重口味嘅餸 ，同平時食開嘅港式咖哩同印度咖哩好唔同多咗一份香嘅味道而少左香草味,無咁刺激，易送飯一點！薯仔軟綿綿，有啲起沙感，加埋微辣嘅味道，食完個身暖暖的！
依家疫情嚴重，大家最好留在家,偶爾想食街外嘢就可以考慮買吓依啲依啲咁抵又不錯嘅外賣啦～
張貼
