Tivoli 意大利餐廳

營業中

休息中

周初公司佐敦"春零"，同幾個同事懷舊一下，去咗冇去廿年的意大利餐廳午膳，6個人叫咗5個牛扒餐，1個焗豬扒飯。面包先上，牛油唔係一盒盒果D，係放碟上，刨出來的牛油花，面包熱,牛油凍，幾好。個紅湯就一般，酸咗D，椰林閣好過佢。牛扒跟飯上，有2舊菜，塊扒有手掌咁多，汁味普通啦，牛扒叫做有D牛味，起碼冇俾大量梳打粉整死。凍啡都一般，冇驚喜。乜都普普通通，寫嚟做乜，喂，45蚊尖咀食牛扒，坐得舒服，招呼唔差，有包有湯有主菜有嘢飲有招呼有冷氣，尖沙咀街市食碗牛腩粉加支可樂都40啦，Tivoli 食得舒適，超值。