皇后飯店 (已結業)

拍攝「阿飛正傳」嘅銅鑼灣分店已經結業，今次嚟嘅係九龍塘又一城分店，係佢哋現存最舊嘅一間。晚餐時段入坐，由一位混血女侍應帶領入坐及介紹今晚精選。佢操流利廣東話，另今餐港俄Crossover晚餐加多一份特色。晚餐主要分兩道菜、同三道菜。有湯、主菜加第三道前菜，包咗咖啡或茶。佢哋推介俄國串燒什錦，另外就叫咗波士頓龍蝦拼紐西蘭牛柳，餐湯除咗羅宋湯，今晚是日餐湯周打蜆湯都唔錯。頭盤叫咗一客焗田螺，仲有大蝦沙律都幾好味。俄國串燒什錦有3串，有牛柳、黑毛豬、雞肉，醃得好入味，幾有特色。龍蝦牛柳分量十足。如果來香港玩都可以嚟呢度感受吓舊香港嘅味道。