影片
更多
2008-07-06
18 瀏覽
難得約到４位為食朋友食ＬＵＮＣＨ，大家唔介意行遠小小，只求好食，一齊吹吓水，遠離吓工作的壓力，今日就試吓呢間有１７個笑面的餐廳。裝修簡潔明亮，感覺唔錯。我哋都係叫ＳＥＴ， 平均大概1０0蚊至１６０蚊， 另加10% 。但估唔到唔係一個ＳＥＴ 上，係續碗食物上，好似去咗茶餐廳咁。我，偵探柯男和薯片小姐都係食三色魚生飯。食物冇乜賣相，最慘係魚生唔係一片片，係一舊舊，味道仲有點腥。偵探柯男：呢間嘢食水都幾深，一片片的魚生就最貴，揾Ｄ頭頭尾攪到一舊俾人食，咪唔多覺新唔新鲜。薯片小姐：唉，唔好講啦，越講越覺得難食。 偵探柯男：都唔係咁差，唔好用個腦去食咪得囉。講講吓，個所謂的手打烏冬嚟到，無乜口感，但味道都正常Ｄ，薯片小姐和我只有放棄個魚生飯，食烏冬填肚。最令人迷惑係個豉油，非常的鹹，疑似珠江橋牌生抽王。Ｄ ＷＡＩＴＲＥＳＳ 話係魚生豉油，我哋點都唔信，精明太太話去百佳食４蚊一件壽司都有魚生豉油啦！問佢哋有冇另一種豉油，佢哋話無。靚太食魚生，只好一面無耐地點珠江橋牌生抽王，一面鬧。埋單時，舉極手都無人理，唔係佢哋好忙，係佢哋企埋咗一邊，無周圍望。等咗好耐，終於有位ＷＡＩＴＲＥＳＳ小姐路過，叫佢埋
難得約到４位為食朋友食ＬＵＮＣＨ，大家唔介意行遠小小，只求好食，一齊吹吓水，遠離吓工作的壓力，今日就試吓呢間有１７個笑面的餐廳。
裝修簡潔明亮，感覺唔錯。
我哋都係叫ＳＥＴ， 平均大概1０0蚊至１６０蚊， 另加10% 。
但估唔到唔係一個ＳＥＴ 上，係續碗食物上，好似去咗茶餐廳咁。
我，偵探柯男和薯片小姐都係食三色魚生飯。食物冇乜賣相，最慘係魚生唔係一片片，係一舊舊，味道仲有點腥。
偵探柯男：呢間嘢食水都幾深，一片片的魚生就最貴，揾Ｄ頭頭尾攪到一舊俾人食，咪唔多覺新唔新鲜。
薯片小姐：唉，唔好講啦，越講越覺得難食。
偵探柯男：都唔係咁差，唔好用個腦去食咪得囉。
講講吓，個所謂的手打烏冬嚟到，無乜口感，但味道都正常Ｄ，薯片小姐和我只有放棄個魚生飯，食烏冬填肚。
最令人迷惑係個豉油，非常的鹹，疑似珠江橋牌生抽王。Ｄ ＷＡＩＴＲＥＳＳ 話係魚生豉油，我哋點都唔信，精明太太話去百佳食４蚊一件壽司都有魚生豉油啦！問佢哋有冇另一種豉油，佢哋話無。
靚太食魚生，只好一面無耐地點珠江橋牌生抽王，一面鬧。
埋單時，舉極手都無人理，唔係佢哋好忙，係佢哋企埋咗一邊，無周圍望。
等咗好耐，終於有位ＷＡＩＴＲＥＳＳ小姐路過，叫佢埋單，佢無反應，直行直過，等咗一陣，佢攞咗張單過嚟，原來佢係聽到！
４位為食朋友知我會寫食評，紛紛七咀八舌。我話俾佢哋佢哋知，笑臉，ＯＫ， 和苦臉的定義，投票之下，４個苦臉，１個ＯＫ。
所以大家唔好睇少呢篇食評，呢個唔係１個苦臉的食評，係４個苦臉的食評！
張貼
