鴻星中菜 (已結業)

一行六人今晩去鴻星晚飯。6點3左右到，冇乜人。叫左 波蘿咕嚕肉，熱辣辣，外脆內𥚃肉汁依然豐富，好味。蝦子柚皮，冇試，得一片柚皮加4條菜芯，份量好細。西芹炒龍躉球，魚湯娃娃菜，蒜蓉粉絲元貝（4只）加了2只，以上3款為1個餐$378。炒龍𧄌球應該叫龍躉片，薄薄一片片的，魚肉拉油拉到生熟剛剛好，有少少蒜香，好惹味。娃娃菜冇試，但家人話個魚湯好濃好香，仲有不少魚鬆球，好抵食。蒜蓉粉絲元貝，好多蒜蓉䓤粒，d粉絲入曬味，反而個元貝蒸得老左d。惹味炒聖子皇，花膠鴨掌煲，椒鹽炸魚，以上3款為1個餐 $355。聖子皇用什菇、豆角炒，菇仔炒到有仍少少咬口，豆角就好有獲氣。花膠質地有點怪，一咬即散，鴨掌炆到入口即溶。至於個炸魚就冇食。另外叫左蟹粉小籠包2個，芝麻葱油餅，杏仁旦白，蓮蓉西米布甸，燉雪耳紅棗，芝麻糯米糍。杏仁旦白好香杏仁味，旦白剛熟吾太老，味道亦都吾太甜，西米布甸就焗得吾夠乾身，西米有點浠，蓮蓉亦都系吾夠傑身，這個麻麻地。䓤油餅饀料豐富，超級多葱，d葱焗到仍留有少少葱味，食完成晚，口氣好大。埋單 $1460，仲有2小時免費泊車。