影片
更多
2009-06-07
213 瀏覽
今晚陪父母去新光食晚飯, 次次食親新光我地全家人都好滿意, 因為碟頭又大, 又好味, 又平, 服務又唔錯, 今次我地4個人仲叫左5餸1湯, 埋單都係$400, 個個食到捧住個肚走, 仲要有一碟上素腐皮卷都食唔得晒, 要打包拎走添.叫左一個孖寶$68, 係4個餸中任選2個, 我地揀左甜酸咕嚕骨及貴妃雞. 甜酸咕嚕骨無話厚粉, 又無話炸得硬, d肉唔算肥, 食落去唔會成口油, 甜酸味道都做得剛剛好, 配菜的菠蘿, 青椒及洋蔥, 都好爽甜, 簡直係咕嚕骨, 菠蘿, 青椒, 洋蔥各自各好味, 甜酸汁無浸淋d咕嚕骨及配菜, 真係難得的好吃. 孖寶另一味的貴妃雞都好滑, 有雞味, 雞肉無乜肥糕, 算很不錯了. 再叫左一個$148班腩兩味, 即紅棗蒸班頭腩及紅黃椒雲耳勝瓜炒班腩. 首先個紅棗蒸班頭腩中班腩超滑, 又有咬口, 好有魚味, 一食就知係靚魚黎, 我地4個人食魚食到停唔到口, 今次又引證新光海鮮果然平靚正. 班腩另一味的紅黃椒雲耳勝瓜炒班腩, 一樣精彩, 配菜爽甜, 一淡靚魚一淡甜椒, 正到暈. $50菜乾豬肺湯成個沙煲上, 沙煲一揭開, 香氣四溢, 湯底火喉十足, 豬肺湯好耐都無飲過了
叫左一個孖寶$68, 係4個餸中任選2個, 我地揀左甜酸咕嚕骨及貴妃雞. 甜酸咕嚕骨無話厚粉, 又無話炸得硬, d肉唔算肥, 食落去唔會成口油, 甜酸味道都做得剛剛好, 配菜的菠蘿, 青椒及洋蔥, 都好爽甜, 簡直係咕嚕骨, 菠蘿, 青椒, 洋蔥各自各好味, 甜酸汁無浸淋d咕嚕骨及配菜, 真係難得的好吃.
孖寶另一味的貴妃雞都好滑, 有雞味, 雞肉無乜肥糕, 算很不錯了.
再叫左一個$148班腩兩味, 即紅棗蒸班頭腩及紅黃椒雲耳勝瓜炒班腩. 首先個紅棗蒸班頭腩中班腩超滑, 又有咬口, 好有魚味, 一食就知係靚魚黎, 我地4個人食魚食到停唔到口, 今次又引證新光海鮮果然平靚正.
班腩另一味的紅黃椒雲耳勝瓜炒班腩, 一樣精彩, 配菜爽甜, 一淡靚魚一淡甜椒, 正到暈.
$50菜乾豬肺湯成個沙煲上, 沙煲一揭開, 香氣四溢, 湯底火喉十足, 豬肺湯好耐都無飲過了, 哩煲豬肺湯格外美味, 令我想起兒時媽媽親手煲的靚豬肺湯, 要加分. 我地每人飲左3大碗, 就連所有湯渣我們都差不多清晒>.<
$50上素腐皮卷原來又係好大好大碟頭, 有8大舊, 每舊比M記的蘋果批更大, 可惜大家之前都己經吃得太飽, 早知就不吃先前的湯渣. 看見腐皮卷賣相好靚, 我忍不住食左一舊. 腐皮軟硬適中, 內裡的齋更非常豐富, 我平時很怕食打左獻的餸, 食市十居其九打得不好, 總是"鼻涕獻", 不過這個腐皮卷的獻也很好, 總不是那些整色整水的"鼻涕獻". 又一個好味的餸. 結果其餘的7大舊腐皮卷無人再吃得下, 唯有打包拎走.
再有西瓜及紅豆沙送. 西瓜好甜, 聽朋友講話食市的西瓜都好甜, 原因是噴上了糖水, 我倒不理會, 好吃而健康的就吃. 紅豆沙不是那些稀釋紅豆+水, 也不是那些只得"甜"的糖水, 這兒的紅豆沙煲到起沙, 還吃到果皮味的.
若果要我雞蛋裡挑骨頭去批評這頓晚飯的食物質素, 我會覺得腐皮卷獻汁再少落些生粉就更好. 總括而言, 4個人食5餸1湯, 有雞同班腩兩味, 每人都係$100, 仲要打包1個餸拎走, 真係無懈可擊 --- 平, 靚, 正.
張貼
