寶蓮素食 (已搬遷) 新店位置

2010年5月9日 ( 寶蓮素食 - 1 ) 寶蓮素食是荃灣區齋舖中的老字號，早年全盛時期，門前經常有着龍仔出現，此情此景，現已不再，久未到此，今天下午茶時段，我倆路過，不用等位，想吃點嘢，又不想吃太多，只要了粟米粥及羅漢齋麵。粟米粥配料有粟米、東菇、紅蘿蔔及生菜絲，味道好味。羅漢齋麵，賣相好靚，碟子原本也很美，可惜碟子崩晒邊，感覺打了折扣，配菜用上了草菇、雲耳、粟米芯、麵筋及白菜等來炒，質素味道也好，麵底香脆，芡汁好味，脆麵醮上芡汁，特別感覺美味。今餐味道不錯，服務一般，但總體感覺也不及當年好。