大和牛石燒專門店 (已結業)

九龍灣淘大幾時都人山人海，識揾食嘅就會行多幾步去得寶。依間大和牛主打石燒牛，塊石板比其他店熱，有沙律菜、麵豉湯同飯任食，質素出期地好。如果唔係塊扒太大塊，我可能會添飯⋯⋯自己填紙仔，加$15有套餐小食加飲品。另外唔想食牛仲有得揀，佢個日本大和雞肉又的確比美國雞好食，肉嫩味鮮D。佢個澳洲黑安格斯西冷牛扒做緊特價$138 有200克厚切可以保留肉汁，肉味都幾好。另一個朋友點咗大滿足漢堡包，雙重芝士和牛漢堡有兩塊150g和牛漢堡扒咁大個漢堡包，一上菜即刻醒左。另外加3蚊要個炸魚柳，幾脆口。我見佢有好多漢堡包外賣，咁嘅價錢，真係超值，但佢上菜有少少慢，要預耐心等候。