麥當勞 (元州街)

營業中

休息中

今日(3月14日)係一年一度嘅Pie Day，點可以錯過。今日食蘋果批、紅豆批同只係今日限定嘅野莓吉士批都只需$3.1。但今日太多人買批所以依間麥當勞嘅紅豆批已經賣晒。介紹下今日限定嘅野莓吉士批先。佢個批皮係深啡色，唔係好食得出係咩味，入面就注入咗野莓醬同吉士醬。野莓醬帶有甜甜酸酸嘅味道，入面有同蘋果批入面差唔多大小嘅果肉，不過唔夠蘋果批多果肉。吉士醬就比想像中冇咁杰，而且冇乜吉士味，所以成個批食落都係得野莓野咁。不過小妹食開蘋果批覺得依個批幾特別，不坊一試，如果佢平日有得賣就好啦。