MOS Burger (錦薈坊)

營業中

休息中

屯門mos burger外賣午餐食，今次嗌咗3號餐，特級和牛漢堡，配麥樂雞同可樂，用優惠券攞埋個薯條。返到公司啲薯條同麥樂雞雖然已經淋咗少少，不過都好香口。麥樂雞雞肉冇話好硬，都夠軟易入口。薯條採用咗粗身少少嘅，冇話係好幼成條柴嗰啲，落嘅鹽份量啱啱好。漢堡嘅話見到有少少燶邊，漢堡焦香味十足，厚度亦都足夠唔會話太細，表面仲會見到啲肉汁同油光 唔會煎到太乾。生菜同蕃茄片就正常。包皮偏軟，個人認為個包既外皮可以再靚少少。成個包食落口主要都係食和牛漢堡嘅味道，咬落去啖啖和牛肉汁，十分滋味。成個餐50蚊左右，一般既價錢。想食和牛漢堡嘅都可以試下。