影片
更多
2023-02-22
36 瀏覽
《$298 中環一打生蠔一支白酒》我自己好鍾意食蠔，今次就專程搵到間係中環街市旁邊嘅西餐廳。餐廳左手邊就係蠔吧，陳列哂廚師精心挑選嘅時令生蠔，右手邊就係木質卡座，天花排住藤製吊燈，環境有格調又有舒適感。最近餐廳做緊$298生蠔推廣優惠，足足有十二隻時令生蠔+一支白酒。咁嘅價錢真係好抵，所以我就諗都冇諗就叫左。餐廳就安排咗一支智利出產嘅白酒Casillero Del Diablo做food pairing，飲落有少少柑桔同埋梨香味，入口清新夠fresh之後微微帶酸又有少少咸味。今日嘅時令生蠔係法國黑騎士，入口係濃郁海水味好重，蠔身唔係好大隻但勁新鮮，冇乜金屬味肉質比較爽身，after taste會有蠔嘅鮮甜味。鮮三文魚紅菜頭他他 $128三文魚他他經過紅菜頭醃製，除咗本身三文魚肉嘅鮮甜味之外，仲有紅菜頭嘅酸甜味，感覺好新鮮，又有魚鮨香。用左黑鐵鑊去承載新鮮炸嘅墨西哥薯片，面頭淋上兩款芝士醬，薯片新鮮炸又香脆。另外有三款醬汁可以選擇，分別係沙律醬、res chill sauce同埋牛油果醬。我自己就最鍾意chili sauce，因為辣辣地又酸酸地，好開胃。新鮮香炸嘅薯條，薯條身係幼長，又加
我自己好鍾意食蠔，今次就專程搵到間係中環街市旁邊嘅西餐廳。餐廳左手邊就係蠔吧，陳列哂廚師精心挑選嘅時令生蠔，右手邊就係木質卡座，天花排住藤製吊燈，環境有格調又有舒適感。
最近餐廳做緊$298生蠔推廣優惠，足足有十二隻時令生蠔+一支白酒。咁嘅價錢真係好抵，所以我就諗都冇諗就叫左。餐廳就安排咗一支智利出產嘅白酒Casillero Del Diablo做food pairing，飲落有少少柑桔同埋梨香味，入口清新夠fresh之後微微帶酸又有少少咸味。今日嘅時令生蠔係法國黑騎士，入口係濃郁海水味好重，蠔身唔係好大隻但勁新鮮，冇乜金屬味肉質比較爽身，after taste會有蠔嘅鮮甜味。
鮮三文魚紅菜頭他他 $128
三文魚他他經過紅菜頭醃製，除咗本身三文魚肉嘅鮮甜味之外，仲有紅菜頭嘅酸甜味，感覺好新鮮，又有魚鮨香。
用左黑鐵鑊去承載新鮮炸嘅墨西哥薯片，面頭淋上兩款芝士醬，薯片新鮮炸又香脆。另外有三款醬汁可以選擇，分別係沙律醬、res chill sauce同埋牛油果醬。我自己就最鍾意chili sauce，因為辣辣地又酸酸地，好開胃。
新鮮香炸嘅薯條，薯條身係幼長，又加左少少卡津粉，好岩一邊飲酒一邊食！仲有附送黑松露醬，真係愈食愈停唔到口！
人均💫300
如果唔想錯過其他好介紹，記得follow我呀😘
多謝大家！！！
張貼
