燒蝦蝦 (興泰大廈) (已結業)

🚩 燒蝦蝦終於終於可以實現大頭蝦‼️依啲活燒海鮮店我都嚟過好多次㗎啦，不過通常都係大時大節先捨得過嚟食🥹今次決定略阿媽一筆，叫佢請我食燒蝦蝦😆為我六月嘅泰國之旅做好準備〰️〰️〰️〰️〰️〰️〰️〰️〰️〰️〰️〰️〰️〰️〰️🌈午時無限時放題 $298先唔講食物質素環境等等，一定要讚嘅係佢提供嘅工具，除咗無限濕紙巾乾紙巾之外，仲有圍裙‼️雖然燒海鮮通常都唔會有好多油彈嚟彈去，但都一定要戴好圍裙，係因為你剝蝦嘅時候嗰啲蝦膏會飛晒落你件衫度🥹🥹我食完餐飯之後件衫變咗扎染咁款🤣每一櫈都有專屬嘅蝦槽，當入面冇晒蝦就可以叫店員幫手fill。其他海鮮就可以自行出去海鮮櫃嗰度自己夾，特別推薦生蠔同埋花螺！記得可以喺配料櫃裏面裝大量嘅蒜蓉辣椒同埋牛油🧈小食方面就不及海鮮燒烤出色，建議大家主攻海鮮同埋肉類燒烤🙌🏻另外佢哋嘅飲品都好多樣化，酒就已經有分啤酒，清酒，梅酒，燒酒～仲有燒烤必備嘅菊花茶，仙草凍等等。媽咪特別鍾意飲佢哋嘅湯，人參鮑魚雞湯，飲咗三大碗，超級夠味甜品方面，除咗有蛋糕之外，仲有各式各樣嘅雪條～建議大家攞個窩夫喺個位度燒到熱辣辣，再出去淋上煉奶，朱古力醬等等～食完成圈落嚟想唔肥都難😫