Niksen Koffie (已結業)

曾幾何時，海濱南岸係一個話題，點解？事關呢個係由一個居屋改建為私人屋苑的地方。呢度咁近海，宜家啲樓價係咁升，咁當初的一手業主可謂係大贏家，二手，三手業主就未必係啦。而我有個朋友就係個大贏家，呢日來到探佢，佢就帶我來到隔離屋苑，黃埔花園第4期嘅享膳坊食嘢。呢間 “Niksen Koffie" 有好大的空間感，室內室外都好大，喺香港好少見，真係畀咗好大嘅驚喜我。點咗個“香煎三文鱼排菠菜汁意粉”，三文魚煎到恰到好處，層皮就脆卜卜，D魚肉就好嫩滑，菠菜汁有誘人的綠色，非常之吸引，味道也唔錯，還有三文魚籽點綴，正吖👍"避風塘香辣軟殼蟹意粉" 隻軟殼蟹都幾肥美，真係食到蟹肉，亦好香口帶D辣味，意粉味道濃郁，兩者配搭相宜。“士多啤梨拿破侖抹茶芭菲” 絕對係呢晚嘅重點，有顏值又多材料，頂部和底部都有士多啤梨，貫徹始終，還有綠色抹茶果凍，白色鮮奶果凍，脆脆的香米，最上層的拿破崙酥脆可口，仲有一球雪糕，咁吸引係點都要嗌嘅一份desert 。